Monday, August 06, 2007

..بضاعه أتلفها الهوى

مش ممكن...أنا مش مصدقه أنى قابلتك هنا ، عامله ايه ؟؟؟و ازاى أخبارك ..فين من أيام المدرسه من عشر سنين
أنا كمان مش مصدقه خالص و الله انتو كلكوا واحشنى جدا....أنا كويسه الحمدلله ...بقيت صيدلانيه و باعمل دراسات عليا و بس يعنى تقريبا دى أخبارى
هايل ...أنا بقى يا ستى اطلقت و عايشه انا و بنتى لوحدنا
!!!ايه ده ...بصره ... و انا كمان
يااااااااه.... مش ممكن ..... فعلا...اسكتى يا شيخه ده الجواز ده كان أزبل حاجه حصلتلى فى حياتى...
متفقه معاكى تماما الجواز ده اختراع فاشل
و عايشه لوحدك برده؟
لا أنا و ابنى عايشين مع أهلى ..انتى ازاى قاعده لوحدك صحيح؟
كده أرحم بكتير ...مش هاستحمل ابدا ارجع أعيش مع أهلى تانى هاتعبهم و هيتعبونى
طيب و بعدين انا عايزه ابقى أشوفك
أكيد بصى أنا باروح النادى كتير مع أصحابنا القدام كلهم زينا كده ، و فرصه ابنك و بنتى يلعبوا مع بعض هو ابنك عنده كام سنه؟
3 سنين
هايل انا بنتى عندها سنتين ..نبقى نجوزهم لبعض بقى لما يكبروا.....هاهاها

15 comments:

فارس عبدالفتاح said...

ده مش بضاعة اتلفها الهوى


دى عقول اتلفها الهوى

اذا كان كل وحده بتلعن سلسفيل الزواج وبعدين يقولوا نبقي نجوز العيال لبعض

برضوا ده عقل وده منطق فعلا ناقصات عقل

Lasto-adri *Blue* said...

كنت جاية اقولك ضحكة حلوة ع الصبح وكدة.. لقيت اللى بيقول ناقصات عقل دا
:D
ضحكت اكتر فى الواقع

همه ناقصات عقل ماعداهوش العيب طبعا.. عشان بصوا لرجالة اصلا
:D

فارس عبدالفتاح said...

ابكي واضحك في سري بلا سبب
أهواه من قال إني ما ابتسمت له
دنى فعانقني شوق إلى الهرب
نسيت من يده ان استرد يدي
طال السلام وطالت رفة الهدب
حيرى انا يا انا أنهد متعبة
خلف الستائر في إعياء مرتقب
أهوى الهوى يا هنا ان كان زائرنا
يا عطر خيم على الشباك وانسكب .

سبحان الله على ردك

وسبحان الله على شعرك


فعلا فعلا فعلا

placebo said...

عزيزى فارس مع احترامى ليك ...أنا شخصيا مع لست أدرى فى أن أستفز مع الاستسهال الواضح للتعبير ده "ناقصات عقل" مع كل تصرف لا يفهمه،لا يدركه، لا يستحسنه،أى رجل على وجه الخليقه حتى لو كان مش معاه ابتدائيه ...مش معقول بالطبع و لا ايه رأيك؟
شخصيا أعترف ان المرأه تتكلم الهيروغليفيه بعض الاحيان لكن مش معنى انها لغه مش مفهومه انها هذيان!!!

Lasto-adri *Blue* said...

اوكى.. اوافقك الرأى فى "فعلا فعلا فعلا"

وعلى راى المثل
ناقصات عقل وعارفين.. احسن من ناقصين عقل ومخدوعين

ولا انت ايه رايك؟


معلش يا
placebo
خرجت عن موضوعك.. اعذرينى

فارس عبدالفتاح said...

الاخوات الفاضلات

والله لم اقصد الإهانه او الاستفزاز او اني استسهلت الكلمة .

قصة قد كتبتيها فأردت ان اعلق عليها فقط ..

المرأة احياناً بل فى اكثر الاحيان تحاول ان تلعب بعقل الرجل حتى يتحير فى امرها وهكذا قد تكون نجحت نجاحاً اكيداً.

واذا اصطدمت برجل بيزهق بسرعة ومش فاضي لوجع المخ حينها اذا كان متزوجها يطلقها ويريح دماغوا واذاكان على علاقة معها فى اقرب محطة ورمي ومن الشباك ..

من رد الاخت الفاضلة
placebo

انها مستعليا بالدرجة التعليمية وعمللها مشكله فى تصرفاتها ورد فعلها

لكن حكاية الاستحسان او الادراك او لا يفهمه ..وانها تتكلم ا لهيروغليفيه احيانا قد اتفهما او اعرفها ببساطة ..

بقول الله سبحانه وتعالى ( افمن ينّشأ فى الحلية وهو فى الخصام غير مبين )


المشكلة فى السيدات اوالمراة بشكل عام ان الله جعل العاطفة تغلب على العقل فقد تقول ان لا احب شيئ معين وهي فى قرارة نفسها وعقلها هتموت على هذا الشئ

وهذا هو التضاد والتناقض فى تصرفات وفكر المراة

واسف مرة اخر على سوء الفهم ولكل السيدات كل الاحترام والتقدير

Aya said...

كان أزبل حاجه حصلتلى فى حياتى

LOL.

يمكن الطلاق والخناق على الفلوس والأولاد أزبل بس صحيح مافيش أزبل من الجواز.

i`m just depressed said...

مساء الفل يا بلاسيبو يا حبيبتى
ايه موضوع ناقصات عقل و دين ده؟!كل ما يسمعوا ستات بتتكلم مع بعضيها
ما علينا كل واحد ودماغه
بس ليه سيرة الطلاق دى يا اختى
الواحد لسه جديد فى كار الجواز فبلاش السيره دى. بس حقيقى حقيقى نسبه الطلاق ارتفعت قوى فى الجيل الجديد اكيد فيه سبب بس هوه ايه الله اعلم!

Sharm said...

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,

Sharm .

u3m said...

د.بلاسيبو
تم تشغيل راديو المدونة يا فندم .. زورونا تجدوا ما يسركم

بلاسيبوس

manora said...

فعلا يا بلاسيبو موضوع الطلاق ده بقى شىء عادى جدا..ومنتشر فوق العاده
يعنى وانتى بتحكى فى البوست حسيت انه شىء عادى انه الواحده تبقى مطلقه وكمان معاها اطفال انا مستغربه بجد يعنى من الكمية المهووله من البنات الى اتطلقوا و المصيبه ان فعليا تحسى انهم بعد الطلاق احسن مما كان!

ابو احمد said...

نا معتكى يابنتى بس ينفع راجل عجوز زى حلاتى ياخد بالكلام ده دا الواحد يتبهدل فى آخر ايامه
اسلوبك جميل يادكتوره
وحكايه الامتحان الشفوى دى ياما شوفنا فيها مهازل وكان المجتمع لسه برضه مبقاش زى دلوقت
القيم دلوقتى بقت زباله خالص

ابو احمد said...

كل سنه وانت طيبه يادكتوره وبخير وصحه وسعاده

Queen eraser said...

http://pencil-eraser.blogspot.com/2008/03/2.html

أطباء said...

بعد إذنك ياريت تعرف الناس بينا حتى نستطيع توحيد الأطباء جميعا
وشكرا

دعوة عامة

أطباء بلاحقوق تدعوكم لحضور مؤتمر القاهرة في نقابة الصحفيين الدور الرابع والذي يناقش مشاكل حركات المطالبة بزيادة الأجور
مواعيد ندوة أطباء بلاحقوق هي :
1- يوم الجمعة بالتعاون مع حركة تضامن من الساعة 6 مساء إلى الساعة 7 والنصف .
2- يوم السبت بالتعاون مع جمعية الحق في الصحة من الساعة 3 والنصف إلى الساعة 5 والنصف .

نرجو الحضور والمشاركة

وشكرا ..................