Saturday, November 18, 2006

أنيسه ماتت


أسرح بعض الأحيان فى تخيل شخصيات المدونين...فمثلا كثير من المدونين يذكرونى بطالب الحقوق فى وجهة نظر ..مفيش فايده...اخر ين يذكرونى بيوسف شاهين فى سلسلة أفلام سيرته الذاتيه ..حيث محدش فاهم حاجه.....و السلسله لا تنتهى حقيقة
اما الأخ حفار القبور فله مكان خاص فى مسرح الاحداث فهو يذكرنى تماما بشخصية العسكرى فى مسرحية سعد الدين وهبه سكة السلامه
فاكرينوا؟؟؟...الراجل اللى كان فاكر ان الحرب العالميه التانيه لسه مخلصتش و كان بيحفر قبور لعساكر الألمان ...على فكره وجه الشبه مش فى حكاية القبور دى خالص .....دى انا افتكرتها صدفة بعد ما عقدت المقارنه ....بس انتو فاكرين ازاى الراجل ده كان ظهوره قليل قوى على المسرح و حواره غير مرتبط تماما بباقى الابطال و حتى احساسه بالزمن...و كان بيطلع كل شويه يحكى قصه ظاهريا ملهاش علاقه باى حاجه على الاطلاق..مقحما أسماء غريبه فى القصه ... تاركا جميع الشخصيات فى حالة ذهول تام ..
كذلك اخى العزيز حفار القبور فهو مختبئ دائما خلف التلال ...ليرى الامور من زاويه مختلفه..و لا ينسحب ابدا للكلام على ما يتكلم عنه " الجميع بل له نص مختلف تماما...كما ان له هذا التاثير من الذهول و التتنيح بعد القراءه ...حتى ان الكثير لا يجدون معنى للتعليق على الكلام
.. مش مصدقين اقروا دول بالذات

7 comments:

i`m just depressed said...

وجهه نظر شيقه جدا جدا وتحليل جديد جدا لشخصيه اخونا حفار القبور الذى أدمن مدونته ولكن لا ارى ان ما يكتبه ينفصل عن الواقع انما هو الواقع كما يراه هو.يمكننى فقط ان اقول ان حفار القبور يهتم بتحليل ما يهمه من الواقع حتى و لو لم يكن كثيرين يعلمون ما يتحدث عنه ربما لأن بؤرة الضوء الخاصه بهم لا تسقط فى نفس المنطقه.فبؤره الضوء الخاصه بحفار القبور كما اظن تسقط اعمق بكثير فيبدوا دائما كمالو كان يتحدث عن واقع افتراضى لا وجود له ولكن رغم كل هذا مهما كنت ومهما كانت اهتمامتى اجد نفسى دائما اشعر بهذا الاتصال مع جانب غامض موجود داخلى لا اشعر به فقط الا عندما اقرا مدونه حفار القبور.كالهذيان الغير مفهوم بالنسبه لى لكنه دائما يوقظ شعورا ما لا استطيع تحديده لهذا دائما اقرا كل ما يكتبه اكثر من مره حتى اتبين ما شعرت به
على فكره انا قريت لا احد ينام فى العنايه المركزه ثلاث مرات ولسه عايزه اقراها تانى عشان اعرف بالظبط انا حاسه بايه يعنى الكلام قوى جدا حاسه بيه بس مش قادره اوصل للى انا حاساه بالظبط
اما بالنسبه و هكذا سقطت لويز بجد بجد حسيت احساس مؤكد جدا هو ان فيه حاجه جوايا بتوجعنى بتوجعنى قوى افتكرت كل التجارب التى مريت بها والتى يمكن ان تكون مماثله و بجد حسيت انوا بيعبر عن الاحساس ده احساس انسان لما يكون منسى لما يكون فى ذيل القائمه لما يكون حاسس انه ما لوش مكان هنا

i`m just depressed said...

وعلى فكره نسيت اقولك مبروك على البوست الجديد الى انا مستنياه من زمان

Ahmed Shokeir said...

فعلا هو له نظرة مختلفة للامور وحتى تستطيع الاقتراب مما يكتبه او تتفهم كلماته يجب ان تقرأ له عدة تدوينات سابقة وبشكل متتالي حتى تستطيع ان تتواصل مع ما يكتبه لاحقا

placebo said...

I'm just depressed
انا لم اقصد انه حقا ينفصل عن الواقع..انا قلت "ظاهريا " انا برده مؤمنه انه اللى بيكتبه هو لقطه للواقع تمر عادة دون ان تستوقف المشاهد

و قد يكون مشاركتى نفس مهنته بيخلينى احس باللى بيكتبه بسرعه بالذات "لا احد ينام فى العنايه المركزه" لانى عشت فى المكان الكئيب ده و كلماته رجعتلى برودة و اظلام المكان

و مش عارفه اشكرك ازاى على التشجيع

john said...

اتفق معك تماما في هذا الكلام

eldoctor said...

سؤال بره المقرر .. انت بلاسيبو بتاع قهوة كتكوت اللى فى هريدى دوت كوم ....

451 فهرنهايت said...

يانهار اسود
كل هذا الكلام الكبير عني؟

مش عارف اوصف احساسي وانا شايف هذا التحليل الذي لااستطيع التأكيد عليه أو نفيه ... هو رأيك , وهو يهمني

بجد متشكر انك عملتي موضوع كامل عني (رغم انك شرّحتيني نفسيا)

وبجد متشكر انك عملتي لنكات لبعض بوستاتي عندك
:)

ياولاد ... احنا طلعنا ع السي ان ان