Saturday, June 10, 2006

هو ده بقى التاج

شكرا للزميل العزيز ياكشى تولع اللى طلع كمان هيقاسمنى لقمة عيشى و يقطع عليه فى الجلديه:)
افتح أقرب كتاب اليك , على الصفحة 18 , سطر 4
هى الصفحه كلها عن ال porphyria
protoporphyrinogen oxidase onset young adulthood -ve cutaneous features abdominal pain neuropathy
على فكره السطر لسه مكمل...بس انا قلت كفايه كده
مد ذراعك اليسرى قدر ماتستطيع
هوا...بس يمكن لو وطيت دراعى شويه ألاقى عمارة يعقوبيان فوق سماعة الكاسيت و كومة من الهدوم فوق الخدديه اللى على الارض
ما اّخر ماشاهدته على التلفزيون
Ever After ...a cinderella story
بدون أن تسترق النظر , تكهن كم الساعة
2
والاّن ..كم الساعة فعلا
2.48بيتهيألى ضربت رقم قياسى بس أنا فعلا مبحسش بالوقت و انا معاكو
باستثناء صوت الكمبيوتر .. أي صوت تسمع؟
موتوسيكل
متى خرجت من المنزل للمرة الأخيرة ؟ ماذا كنت تفعل؟
رحت اشترى علبة سيراميك عشان بنجدد الحمام والحقيقهانا اكتشفت ان الحمام ده اهم حاجه فى الدنيا
قبل مباشرتك هذه الأسئلة أي موقع كنت تتصفح؟
كنت باقرا بهيه
ماذا ترتدي الاّن؟
اسدال صلاه علشان اساسا كنت قايمه اصلى و قلت ابص بصه عالماشى
هل حلمت ليلة أمس؟
احقيقه امبارح كنت نايمه على الكنبه ومش لاقيه مكان لرجليه ...فامبارح صعب ...
متى اّخر مرة ضحكت؟
من اربع ساعات كنت بلعب مع ابن اخويا عنده سنتين بس متشردواول ميكلم بافتكر عبد الفتاح القصرى،على الشريف كده يعنى
ماذا فوق جدران الغرفة حيث تجلس؟
رسومات normal histology of the skin ,نتيجه،كارت كبير مكتوب عليه I love youجابتهولى اكتر واحده بحبها فى الدنيا بنت أخويا
هل لاحظت شيئا غريبا مؤخرا؟
أه...انودلز بترخص ودى أول مره فى حياتى أشوف حاجه بترخص و خايفه يكونوا بيحطوا فيها حاجه
مارأيك في هذا الاختبار؟
مبحبش كلمة اختبار اساسا
مااّخر فيلم شاهدته؟
syriana مع اعز صديقاتى اللى لازم احكيلكوا عليها فى مره..و لانى غصبتها تدخل الفيلم ده..والفيلم اساسا يجيب اكتئاب نكدت عليه بقيت اليوم و اصرت تروح
اذا أصبحت فاحش الثراء فماذا تشتري؟
ضرورى جدا بيت على البحرياريت يكون شبه اللى كان فى فيلم sleeping with the enemy واحط باقى الفلوس فى البنك و امارس هوايتى المفضله فى تعلم اللغات....و ايه تانى ....شوكلاته بقى للصبح...و قلم حبر Mont Blanc
أخبرني شيئا أجهله عنك
هو انا معتقدش انك تعرف حاجه اصلا ..
اذا كان بامكانك تغيير شيء واحد في العالم بغض النظر عن المعاصي والسياسة فماذا تختار؟
هامنع أى ست ترمى أطفالها فى حضانه عشان تروح تعض على مكتب تقرا جرايد أو علشان مستقبلها و ابحاثها و مش عارف ايه لو هما مش اهم اهم متجيبهمش اصلا ....انا اصلى لفيت كعب داير على الحضانات و انا صغيره.
لو كان وليدك الأول فتاة فماذا تسميها؟
جميله
لو كان وليدك الأول صبيا فماذا تسميه؟
مجاش فى بالى الاحتمال ده ...خلاص باه باباه يقول

هل تفكر يوما في العيش بالخارج؟
يوما بس!!
ماذا تتصور أن يقول لك الله عندما تقف بين يديه ؟
يجوز يذكرنى بانى لم اكون صبوره فى الدنيا...بس انا نفسى اليوم ده ييجى عشان أنا أعرف هو مين اللى قتل كينيدى و أوزوالد..و ديانا.., اللى حصل بالظبط لطيارة مصر للطيران رحله 990 ...ومين اللى خد كراسة النصوص بتاعتى قبل الامتحان باسبوع فى اعدادى عشان كنت كاتبه فيها درر.....و أخيرا و ليس أخرا ايه اللى حصل بالظبط يوم 11/9

أربعة أشخاص تمرر لهم الدور
مش عارفه بصراحه انا السوال ده اتكعبلت فيه فى كل بلوج خلقه ربنا...يبقالكوا عندى اربعه المره الجايه بس ابقوا لبعتولى بدرى شويه

3 comments:

still breathing said...

انا برضه مقلقة من موضوع النودلز ده... حتي تاريخ انتاجهم بيكون جديد!! بي الأحسن ان الواحد يسبها علي ربنا

:)

451 فهرنهايت said...

ايه حكاية النودلز معاكي؟
أغلب من يجيبون هذا التاج بيحلموا ببيت ع البحر .. مش عارف السبب .. أنا أحيانا أحن للزحمة والموتسيكلات والباعة الجائلين والحر الذي يمنحني فرصة الاستمتاع بالتكييف .. نبقى نجرب البحر ونشوف ايه حكايته
شكرا مرة أخرى على الروايات ... حاسس زي ماأكون لقيت لقية
:)

إياكش تولع said...

يا أهلا يا أهلا

والله أنا لحد دلوقتى ماعارف حتجيلى جلدية فى النيابات اللى نازلة و لا لا...يعنى الدار أمان:)

أتفق معاكى فى معظم اللى قلتيه خصوصا إن أهم حاجة فى الدنيا هية الحمام....أى و الله

بس معلش سؤال...حد لسة بيسمى جميلة؟؟